Біліктілік: 4S02150103 – Халық аспаптар оркестрінің әртісі (дирижер), балалар музыка мектебінің оқытушысы

Қабылданады: 9-сынып бітірген және балалар музыка мектебін, өнер мектебін аяқтаған талапкерлер.

Аспаптар: домбыра, жетіген, қылқобыз, сазсырнай, сыбызғы, шертер.

• музыкалық есте сақтау, есту, ырғақты сезіну қабілеттері;
• бір төкпе күй және бір шертпе күй орындау;
• сахнаға лайықты сымбат пен келбет.

Біліктілік: 4S02150104 – Эстрадалық аспаптар оркестрінің әртісі (дирижер), балалар музыка мектебінің оқытушысы

Қабылданады: 9-сынып бітірген және өнер/музыка мектептерін аяқтаған талапкерлер.

Аспаптар: акустикалық гитара, бас-гитара, саксофон, тромбон, труба, электрогитара, фортепиано, ұрмалы аспаптар.

Негізгі талаптар:

• жоғары музыкалық есту қабілеті;
• музыкалық ырғақты сезіну;
• музыкалық есте сақтау қабілеті;
• шығармашылық фантазия және импровизациялық бейім;
• сахнада өзін-өзі ұстауы, сахналық киімі;
• орындалатын шығармалар мен авторлар туралы ақпарат.

Орындалатын бағдарлама:

• гаммалар;
• 1–2 этюд;
• эстрада, джаз стильдерінде 1–2 пьеса.

Біліктілік: 4S02150302 – Дәстүрлі ән салу әртісі, балалар музыка мектебінің оқытушысы

Қабылданады: 9-сынып бітірген және өнер мектептерін аяқтаған талапкерлер.

• қазақтың халық әндерін және халық композиторларының әндерін орындай білу;
• Арқа, Жетісу, Сыр, Батыс Қазақстан әншілік-жыршылық мектептерінен хабардар болу;
• домбыра, жетіген, қыл-қобыз, баян аспаптарында өзін сүйемелдеп ән айта білу;
• музыкалық есте сақтау, есту, ырғақты сезіну қабілеттері;
• сахнаға сай келбет.

Бағдарлама: дауыс диапазонын көрсететін бір ән және өз қалауы бойынша бір ән.

Біліктілік: 4S02150303 – Эстрадалық ән салу әртісі, балалар музыка мектебінің оқытушысы

Қабылданады: 9 және 11-сынып бітірген талапкерлер.

Музыкалық және вокалдық талаптар:

• музыкалық есту, ырғақты қайталау, дыбыстарды есте сақтау;
• дауыс диапазоны кемінде 1,5 октава;
• таза интонация, анық дикция;
• әншілік тыныс алуды меңгеру;
• сахнада өзін-өзі ұстау мәдениеті;
• репертуар дауыс мүмкіндігіне сәйкес болуы керек.

Бой өлшемі: қыздар – 165 см жоғары, ұлдар – 170 см жоғары.

Бағдарлама:

• қазақша ән;
• орыс тіліндегі эстрадалық ән;
• шетел тіліндегі эстрадалық ән;
• 4 жол өлең, 5 жаңылтпаш, мысал оқу, заманауи би.

Біліктілік: 4S02150301 – Академиялық ән салу әртісі, балалар музыка мектебінің оқытушысы

Қабылданады: 9-сынып бітірген талапкерлер.

• жақсы музыкалық есту қабілеті;
• ырғақтық сезім, таза интонация;
• есте сақтау қабілеті және орындаушылық дарыны;
• дауыс материалы және шығармашылық ой-өріс;
• бойы 160 см-ден жоғары;
• сөйлеу кемшіліктерінің болмауы;
• фониаторда есепте болмауы.

Бағдарлама: қазақ халық әні немесе халық композиторларының әні, сондай-ақ өз таңдауы бойынша шығарма.

Біліктілік: 4S02150501 – Драма театрының әртісі

Қабылданады: 9-сынып бітірген талапкерлер.

Емтихан: талапкерлер екі шығармашылық емтихан тапсырады.

• мәдени дәрежесі, ойлау қабілеті, суырыпсалмалық қасиеті;
• сөз саптау талғамы, жігер-қажыры;
• музыкалық қабілеті, дене қимыл-қозғалыс сымбаттылығы;
• тілі мен дауысы таза болуы;
• физиологиялық кемшілігі және тілінде дефект болмауы.

Бой өлшемі: қыздар – 160 см кем емес, ер балалар – 175 см кем емес.

Сахна тілі:

• прозадан үзінді жатқа оқу;
• поэзия жатқа оқу;
• мысал-сықақ әңгімелерден үзінді оқу.

Біліктілік: 4S02150505 – Эстрада жанрының әртісі

Қабылданады: 11-сынып бітірген талапкерлер.

Емтихан: талапкерлер екі шығармашылық емтихан тапсырады.

• мәдени дәрежесі, ойлау қабілеті, суырыпсалмалық қасиеті;
• сөз саптау талғамы, жігер-қажыры;
• музыкалық қабілеті және дене қимыл-қозғалыс сымбаттылығы;
• тілі мен дауысы таза болуы;
• сахнаға лайықты түр-тұлға.

Бой өлшемі: қыздар – 160 см кем емес, ер балалар – 175 см кем емес.

Орындау:

• прозадан үзінді жатқа оқу;
• поэзия жатқа оқу;
• мысал-сықақ әңгімелерден үзінді оқу.

Біліктілік: 4S02150601 – Цирк әртісі, цирк жанрларының оқытушысы

Қабылданады: 9-сынып бітірген және спорт мектептерін аяқтаған талапкерлер.

Кәсіби деректер:

• денсаулығы туралы анықтама;
• колледжде қосымша медициналық комиссиядан өту;
• тері, созылмалы ауруларының болмауы;
• омыртқаның қисаюы болмауы;
• жүйке жүйесі, жүрек, өкпе және ішкі органдар саулығы;
• үйлесімді дене құрылысы.

Емтихан талаптары:

• пластика, шпагат, көпірше;
• акробатика және көркем гимнастика элементтері;
• алға, артқа айналу, баспен тұру, рондад, фляк;
• музыкалық есту қабілеті;
• пантомима, актер шеберлігі, цирк нөмірі болса көрсету.

Біліктілік: 4S02150702 – Би ансамблінің әртісі

Қабылданады: 9-сынып бітірген және өнер мектептерін, хореографиялық оқу орындарын аяқтаған талапкерлер.

Емтихан: талапкерлер екі шығармашылық емтихан тапсырады.

1. Сахналық қойылым:

• қазақ биі, ұзақтығы 3 минуттан аспайды;
• таңдауы бойынша би, ұзақтығы 3 минуттан аспайды;
• музыка флешкада, мүмкіндігінше сахналық киіммен.

2. Кәсіби жарамдылық:

• сахналық келбет және дене пропорциялары;
• бойы 165 см төмен болмауы керек;
• аяқтың бұрылуы, подъем, би қадамы;
• икемділік, музыкалық ырғақ;
• классикалық би экзерсисі: станок, зал ортасы, секіру, айналу.