QAZAQSTAN RESPUBLİKASY MÄDENİET JÄNE SPORT MİNİSTRLIGI
  • Bızge qoñyrau şalyñyz
  • +7 (727) 291-83-03
    +7 (727) 291-83-53

RMQK «JÜSIPBEK ELEBEKOV ATYNDAĞY
RESPUBLİKALYQ ESTRADA JÄNE SİRK KOLEJI»

PSK tarihy

Muzykalyq - teorialyq bölım RESK şañyraq kötergen alğaşqy jyldan därıs jürgızıp kele jatqan kürdelı de, mañyzdy qūrylym.

Bölım «Estradalyq vokal», «Estrada aspaptary», «Jeke än salu», «Halyq» bölımderınde «Muzyka teoriasy», «Garmonia negızderı», «Sölfejio», «Muzyka ädebietı», «Qazaq muzyka ädebietı», «Orys muzyka ädebietı», «Şetel muzyka ädebietı», «Halyq şyğarmaşylyğy» pänderın oqytady. Är bölımnıñ erekşelıgıne sai profildık pänder jetıldırıp oqytylady. «Halyq bölımınde» qosymşa «Etnosölfejio» pänı, «Estradalyq vokal» men «Estrada aspaptary» bölımderınde «Keñ tarağan tanymal muzyka» pänı jürgızıledı.

Bölım kabinetterı interaktivtı taqtamen, anyqtamalyq stendtarmen jäne fortepianomen jabdyqtalğan. «Sölfejio»  kursyn oqu barysynda  studenttıñ  muzykalyq tyñdau jäne este  saqtau qabıletı damidy. Student muzykalyq diktant jazudy üirenedı, berılgen äuendı notadan oquğa dağdylanady. «Sölfejio» pänın igeru maqsatynda türlı metodikalyq ädıster men täsılder qoldanylady. Studentterdıñ käsıbi deñgeiın köterude «Garmonia negızder» pänı oqytylady. «Garmonia» kursy muzykalyq oilau qabıletın şyñdaidy, şyğarma zañdylyqtaryn taldap, onyñ tabiğatyn zerdeleuge baulidy.

Sonymen qatar, kolej  studentterı üş jyl kölemınde «Muzyka ädebietı»  kursyn oqyp şyğady. 1

-kursta «Qazaq muzyka ädebietı» men «Halyq şyğarmaşylyğy», 2-kursta  «Şetel muzyka ädebietı», 3-kursta «Orys muzyka ädebietı» pänderın oqu barysynda studentter köptegen körnektı  kompozitorlardyñ  şyğarmalarymen tanysyp,  muzykalyq  oi - örısın  keñeitedı.

Studentterdıñ käsıbi şeberlıgın ūştau maqsatynda «Muzykalyq köktem» taqyrybyna jäne özge de taqyryptarğa arnalğan viktorinalyq jarystar ötkızılıp tūrady.

Studentterdıñ bılım deñgeiın köterude QR Bılım jäne Ğylym ministrlıgınıñ Qūrmet gramotasynyñ iegerı, bölım meñgeruşısı G. M. Taibekova, QR Kompozitorlar odağynyñ müşesı A. O. Büşıkova, önertanu ğylymdarynyñ kandidaty J. A. Qazybekova, täjıribelı oqytuşylar - L. P. Prohorova, E. V. Zaderiuşko, L. A. Baijunusova syndy tälımgerler  aianbai eñbek etude.