QAZAQSTAN RESPUBLİKASY MÄDENİET JÄNE SPORT MİNİSTRLIGI
  • Bızge qoñyrau şalyñyz
  • +7 (727) 291-83-03
    +7 (727) 291-83-53

RMQK «JÜSIPBEK ELEBEKOV ATYNDAĞY
RESPUBLİKALYQ ESTRADA JÄNE SİRK KOLEJI»

PSK tarihy

«Akterlık öner» bölımınde oqityn studentter «söileu janrynyñ artisı», «quyrşaq teatrynyñ artisı», «drama teatrynyñ artisı» mamandyqtary boiynşa tälım alady.

«Söileu janrynyñ artisı» mamandyğyn meñgerem dep niet bıldırgen alğaşqy studentter 1965 jyly qabyldandy. Būl topqa sol kezdegı studia direktory, Mäskeude Teatr önerı institutynyñ konferanse bölımın tämamdağan, qazaq äielderı arasyndağy tūñğyş körkemsöz oqu şeberı Güljihan Ğalieva därıs berıp, jetekşılık ettı.  Topty bıtıruşıler Qazaqkonsert, filarmonia, sirk jäne än-bi ansämblderınıñ konserttık bağdarlamalaryn jürgızetın käsıbi jürgızuşılerler bolyp, respublikanyñ tükpır-tükpırıne attandy.

Üş jylda bır ret şäkırt qabyldanatyn topqa G. Ğalievanyñ ızbasarlary QR Bılım beru ısınıñ üzdıgı - Ä.Malimova men  N. Täjıkenov (Alban), N. Sadybekov t.b. därıs berıp, körkemsöz şeberlerın qalyptastyruğa zor üles qosuda. «Körkemsöz oqu şeberı» tobynyñ studentterı respublikanyñ mädeni ömırınde bolyp jatatyn türlı ıs-şaralarğa belsene qatysady. 2012 jyly Mäskeude ötken dästürlı Halyqaralyq «Chehov oqularynda» oqytuşy Ä.N. Malimovanyñ şäkırtterı üşınşı oryndy ielenıp laureat jäne diplomant atandy. Talanttaryna täntı bolğan İaroslävl memlekettık instituty osy toptyñ toğyz tülegıne Resei Federasiasynyñ memlekettık granty negızınde 2012 jyldyñ qyrküiegınen bastap oqytyp jatyr. 2015  jyldyñ   17-19 säuır aralyğynda kolejde qazaqtyñ ūlttyq estrada önerınıñ körnektı qairatkerı, qazaq topyrağynan şyqqan tūñğyş körkemsöz şeberı, Qazaq KSR-ñ Halyq ärtısı Güljihan Ğalievanyñ ömırı men qaitalanbas mol ruhani mūrasyn jas ūrpaqqa därıpteu maqsatynda,  joğarğy öner oqu oryndary men öner kolejderı studentterı arasynda I-şı Halyqaralyq körkemsöz şeberlerı  baiqauyn ötkızdı. Baiqauğa Resei, Monğolia, Qytai, Qyrğyzstan elınen, Respublika kölemınde: Astana, Almaty, Qyzyl-Orda, Jambyl, Qarağandy, Semei, Petropavl, Atyrau, Kökşetau, Oral, Şymkent qalalarynyñ öner ordalarynan  ümıtkerler qatysty. Kolejımızdıñ «Körkemsöz oqu şeberı» bölımınıñ 3 kurs studentı Qanat Däulet - Bas jüldenı ielense, Äbdıpatta Janğali 3 oryn - laureat atağyna ie boldy. Ūstazdary Ä.N.Malimova. Kolejımızde 1 qyrküiek  aiynda Güljihan Ğalievanyñ şeberhanasy aşyldy.

Top şäkırtterı N.Manap, A.Qanapia, B.Qanat, M.Tölepbergen, E.Mahin, J.Qaljanova, B.Manatbekūly t.b. respublikalyq, oblystyq, qalalyq tele - radio arnalary arqyly tanymal bolğan öner ielerı jemıstı eñbek etude.

 

Quyrşaq teatrynyñ artisı» dep atalatyn top 1975 jyly aşyldy. Arnaiy şaqyrtylğan KSRO Eñbek sıñırgen artisı Pavel İlich Potoroka topqa 20 jyldan astam uaqyt jetekşılık jasap, ūstazdyq qyzmet atqardy. Būl topqa da şäkırtter üş jylda bır ret qabyldanady. Tülekterdıñ küşımen Qazaqstannyñ segız qalasynda quyrşaq teatrlary aşyldy. Respublikanyñ quyrşaq teatrlarynda qyzmet atqaratyn akterlardyñ 80 paiyzy - osy oqu ornynyñ tülekterı. Toptyñ qalyptasyp, damuyna QR Halyq artisı Q.H.Eşmūhambetova; QR Halyq artisı S.Şukuro, QR Bılım beru ısınıñ üzdıgı, T.Jurgenov atyndağy öner akademiasynyñ profesory S.Maqūlbekov  aituly üles qosty.

Top jetekşısı, «Akterlık öner» bölımınıñ meñgeruşısı, QR Mädeniet qairatkerı Ötebaeva Maisa Omarbekqyzy ūstazy P.İ.Potorokanyñ ülgısımen qabılettı şäkırt tärbieleude aianbai eñbek etıp jür.

1995 jyly J.Elebekov atyndağy respublikalyq estrada-sirk kolejınde «Drama teatrynyñ artisterın» daiyndau toby aşyldy. Alğaşqy jetekşısı - T.Jurgenov atyndağy Ūlttyq Öner akademiasynyñ profesory, rejiser Äubäkır Raqymov. 1996-2008 jj. aralyğynda topqa QR Halyq artisı Bäiten Omarov jetekşılık ettı.

2003 jyly B.Omarov jäne M. Ötebaeva  bırlesıp kolejdıñ «Akter» bölımı studentterımen  «Jas talant» oqu teatryn qūrdy.

«Jas talant» oqu teatry 2004 jyldyn qaraşasynda Astana qalasynda oblystyq jäne qalalyq 16 teatr arasynda ötken halyqaralyq «Şabyt» festivalınde St.Sveigtıñ «Beitanys äieldıñ haty» atty qoiylymymen laureat  atansa, 2010 jyly rejiser A.Toqpanovtyñ 95-jyldyğyna arnalğan  teatr festivalınde S.Qasymbektıñ «Aialaşy menı» qoiylymymen bas jüldenı ielendı.

2011 jyldan berı RESK-de ekı jylda bır ret respublikalyq B.Omarov atyndağy kolejaralyq teatr festivalı ötkızılıp tūrady.

Topty bıtırgen şäkırtterdıñ köpşılıgı oblystyq, akademialyq teatrlarda akterlık qyzmetterın jalğastyruda. Bızdıñ bölımde Qazaqstannyñ Öner qairatkerı, T.Jurgenov atyndağy öner akademiasynyñ profesory Janat Hajiev, QR Eñbek sıñırgen artisı, «Qūrmet» ordenınıñ iegerı, dosent Raşida Hajieva, QR Eñbek sıñırgen qairatkerı, «Eren eñbegı» medalınıñ iegerı, «Daryn» Memlekettık jastar syilyğynyñ laureaty Ä. Mambetova därıs oqidy.

Qazaqstannyñ Eñbek sıñırgen  qairatkerı «Eren eñbegı» medalınıñ iegerı G.A. Beljanova. Qūrmet ordenınıñ iegerı - M.İu. İzimov, Qazaqstannyñ Eñbek sıñırgen  artisı, Qūrmet ordenınıñ iegerı  B.Köjebaev, Bılım beru ısınıñ qūrmettı qyzmetkerı, profesor E.S. Sūltanğalieva,  J.K. Aijol, N.Ä. Sadybekov, K. Nysanbaeva, A. Ahmet, M.Toqtağanova, O. Qaşağanova, D.S. Beisembaeva syndy tağlymy mol ūstazdar sabaq beredı.

Достижения ПЦК